गोपालध्वज श्रेष्ठ
पुर्व प्रानाध्यापक
दोलखा जिल्लाको पूर्वमध्य भागको सानो तर भौगोलिक दृष्टिकोणले मिलेको काब्रे गाविस छिमेकी गाविसहरू क्षत्रपा, नाम्दू, गैरीमुदी, जंग, मिर्गे, जिरी र ठूलोपातलको केन्द्रमा अवस्थित छ। यही गा. वि. स. का. वाड नं ४ मा अवस्थित यो विद्यालयको नाम महादेवको नामबाट श्री हनुमन्तेश्वर उच्च मा. वि. राखिएको हो । विद्यालयले गाविसको वाड नं ५, ७, ८ र ३ लाई छोएको छ। यो विद्यालय अरनिको राजमार्गको लामोसाँग जिरी खण्डको मैनापोखरी बस स्टेशनबाट ५०० मिटर पर्वमा कृषि सडकले जोडेको ३२ रोपनी जग्गामा फैलिएको छ। विद्यालयको वरिपरि सल्ला जातको रुखले घेरिएको छ । जसले विद्यालयको वातावरणलाई स्वच्छ र सफा राखेको छ । यस गा. वि. स. मा करीव १११० घरधुरीमा ५८०० मानिसहरू विशेष गरी क्षत्री, बाहुन, सार्की, कामी, दमाई, भुजेल, जिरेल, शेर्पा र तमाङ्ग वसोवास गरिरहेका छन् । कुल जनसंख्याको ६० प्रतिशत मानिस साक्षर भएता पनि महिला साक्षरता ४० प्रतिशत मात्र रहेको छ । तथापि शिक्षाको क्षेत्रमा जिल्लाका अन्य गा. वि. स. भन्दा अगाडि रहेको छ। यो विद्यालयमा नै जिल्ला शिक्षा कार्यालय अन्तरगतको स्रोत केन्द्र रहेको छ ।
सम्पादित अंश
स्वर्णमहोत्सव स्मारिका २०६६ बाट साभार
0 Comments